كآري الدجاج <3

كآري الدجاج <3
طبخه هنديه لذيذه مره
الطريقه والمقادير :
بصلة كبيره مفرومه .
4 فصوص ثوم مدقوقه .
ملعقه كبيره زنجبيل طازج مبشور .
4 صدور دجاج مقطعه مكعبات .
3 طماطم مقشره و مقطعه مربعات .
ملعتين كبار صلصة .
نص كوب كريمة خفق .
نص كوب ماء دافيء .
ملعقة كزبره مفرومه .

* البهارات : ” مهم مهم مهم ولا ينقص ولا شيء منها والا بيتغير كل الطعم وكلها مقدار ملعقه صغيره “

ملعقة ملح .
ربع ملعقة فلفل اسود .
ملعقتين مليانات بهار الكاري الهندي .
نص ملعقه كركم .
نص ملعقة كمون .
نص ملعقة شطة مجروشه ” يمكن بدالها شطة بودره “.
نص ملعقة كزبره .
نص ملعقة بابريكا .
:
على نار عاليه مره حطي زيت بالقدر و البصل و الثوم و الزنجبيل و احمسيهم زين ,اذا بدا يتغير لون البصل حطي صدور الدجاج وشوحيها لين يتغير لونها وتحسين انها استوت نص استواء ,إذا استوا الدجاج نص استواء حطي فوقه ” الطماطم , الصلصة , و البهارات كلها بعد ماتخلطينها مع بعض مثل ماسويت انا بالصوره ” وحركيها زين لدقيقه,بعدين اذا تسبكت المقادير كلها الحين نحط كريمة الخفق + نص كوب ماء دافيء , وحركي لين يطلع لك اللون الاصفر , حطي الكزبره فوقها و غطي القدر و قصري على النار , لمدة خمس دقايق بس عشان يستوي الدجاج استواء كامل
** الطريقة مقتبسه لكن عدلت فيها شوي**
حطيت مو بس دجاج قسمته لثلاث انواع نوع حطيت دجاج وملون طعام احمر :D
ونوع خضار وكان مره مره لذيذ
ونوع لحم <3 
وسوينا معاه بطاطس مشوي فالفرن وطريقته :
نقطع بطاطس نفس الصوره ونتبله بملح وفلفل ونحط فوقه زيت زيتون واوريقانو ونحطه فالفرن لين يستوي
يتقدم مع رز او خبز وعليكم بالعافيه

السلام عليكم ..
كيفك ؟
وآو ممممممممممممممممممم
بيانة طيبة تسلميلي ..
في آمـآن الله ~ْ~ْ~ْ~ْ